چئویرن: ایشیق
ترجمه: ایشیق
ایشیق

nader elahi
ایکی شعر
نادر ایلاهی

(۱)یئنه آللاه آغلاییر
یئردن گؤیه داش اوچور
گؤیدن یئره قوش یاغیر
یئنه آللاه آغلاییر
دئییرلر یاغیش یاغیر

بولاقلار گؤز یاشیندی
بولودلار آهین آللاه!
نه آدامسیز قالیبسان
ندیر گوناهین آللاه!

سئوگی آیاقلار آلتدا
نیفرت آت بئلینده‌دی
سنین الیندن چیخیب
دونیا ایت الینده‌دی

هارداسا یئنه بیر قوش
بیر چیچک گولله‌لنیر
بیر آج اوشاق جان وئریر
بیر آج گلین دیله‌نیر

بو دونیا پاکا چیخمیر
هئی یاغیش یاغا-یاغا
قینامیرام آی آللاه
حاققین وار آغلاماغا

اوتورموشام ایلاهی
باخیرام فاغیر-فاغیر
هله اووۆنماییبسان
هله ده یاغیش یاغیر…

(۲) اوره‌ییمـه قـوش بـاغلایین
یـاز دردیمـی ساغالتمادی
یـاراما بیـر قیش باغلایین
گؤیلومه بولود دؤشه‌یین
گؤزومه یاغیش باغلایین

تای- توشو قول قاناد چالدی
زیـروه‌لـرین اوستون آلدی
چـیـرپینـا- چـیـرپینـا قالدی
اوره‌ییمـه قـوش بـاغلایین

بو گـونلرده کئچدی بلکه
دورنا اولوب کؤچدو بلکه
بو قفـس ده اوچدو بلکه
ایـاغینـی بـوش باغلایین

ایضاح: شعرلری «ایشیق»سایتینا فریبا خانیم مرتضایی گؤندریب

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایکی شعر / نادر ایلاهی

ایشیق
www.ishiq.net

آذربایجان ادبیات و اینجه‌صنعت سایتی

ایکی شعر / نادر ایلاهی

ایشیق
www.ishiq.net

آذربایجان ادبیات و اینجه‌صنعت سایتی

ایکی شعر / نادر ایلاهی

ایشیق
www.ishiq.net

آذربایجان ادبیات و اینجه‌صنعت سایتی