هارداسان؟ / یوسف جوادی

javadi
هارداسان؟
یوسف جوادی

هارداسان یئنی‌دن، اوره‌ییم اسیر
آی منیم سومویه یاتان نایناییم!
دونیا عؤمور بویو چالدیم اوینادین
بیر آزجا سنده چال،چال من اویناییم!

نه قدر دولاندیم باشینا، سنده-
اویناتدین روحومو، قالمادی منده.
دریمی‌چکیبسن سوموک کمنده
الیمدن قاوالی آل، من اویناییم!

اوزوم گولومسه‌ییر یارا چکنده
شعریمین تئللرین تارا چکنده
سن الله گل منی دارا چکنده-
قولونو بوینوما سال، من اویناییم!

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *