شعرجیک‌لر/ قاسیم پناهی

panahi
شعرجیک‌لر
قاسیم پناهی

۱)
شعر دفتریمی‌کولک آپاردی
صاباح بوتون شهر
سئوجک سنی

۲)
سئوگین
ان گوجلو آنتی‌ویروس
یاناجاغام
یوکلنمه‌سن اوره‌گیمه

۳)
توکندیم‌های- کویلرین ایچینده
بیر آدیم قالدی
بیرده کئییمیش یومروق چاتلاق دؤشومده
گلسن
بیر قاب سو گتیر
دورنالار اینتیحار ائتمه‌سین گؤزومده

۴)
سئوگین بیر ایستیراتئژیک اویون
گؤزلرینین دوستاغینا دوشدوم
بورادان چیخماغا یول وارمی؟
یوخسا
Game over اولاجاق سونوم…

۵)
یاغیش یاغیر
فهله آتام آلیشدیریر سیقارئتی سیقارئتله
خیانت ائدیر سیمئنتلر
خالچامیزین چیچکلرین سو آپاریر
آنام اورا – بورا قاچیر
بولود بسدیر بو آغ یاغیش
بیزیم قارنیمیزا یاغیر

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

۲ comments

  1. گؤزلرینه قوربان ائله یازیرسانکی اوره ییمه یاتیر قایماق بلله سی کیمی

  2. تشککورلر یوسیف جان اؤپورم سنی قاداسی، دیرلندیردیگین اوچون میننت دارام

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *