بو گئجه / قاسیم پناهی

panahi
بو گئجه
قاسیم پناهی

بو گئجه
پنجره‌میزدن دوشدو آیین یولو
گوموشو ساچلاری
دیب اوتاغیمدا اسدیکده
گؤزلریمده یاکاموز پارلادی
سنه ساریلدیغیم فوتولار
ایچیمده کی آج قوردون ببکلرینده گؤروننده
ایللردیر
ایچیم سنسیزلیگینی اولاییر
سانجیلانمیش کیمی
سوکوت
یوخلوغونون موزیکین
ساکسیفونلا چالیر قولاغیمین دیبینده
شعرلریمین دوداغی اوچوخلاییر
ایکیمیز اوچون دوزنلنمیش اوتاقدا
و خیالیم
هئیدن دوشور
گؤزلرینین ایلغیمیندا
ندنسه کانئکت اولا بیلمه‌دی
اوره‌کلریمیز سئوگی پایلاشماغا
ایلک اولاراق
ویبره‌یه دوشدو جانیم
آه…
بو آی گئتسه
قارا دولاجاق اوتاغیم
سیبئریانین گئجه‌لری کیمی
دامو کیمی
و من
سنسیزلیگینه آلیشدیقجا
قار آدامینا چئوریله‌جه‌یم
شعریمین سون میصراع سیندا

Check Also

پاییز دیلی / خیاو

پاییز دیلی خیاو پاییز گلمه‌دن توپلادیم نانا- رئیحان کردیمیزدن ۴۱ نومره‌لی خورمایی باشماقلاریما قویوب شهریمیزین ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *