چیلله‌لیک‌ / فریبا مرتضایی

fariba mortazai
چیلله‌لیک‌
فریبا مرتضایی

(۱)

ناردیر اوره‌ییم؛
یوخلوغونا چاتلاییر
بو اوزون گئجه‌ ده.
دویغولاریم قان آغلاییر؛
دؤن گل!
گؤزلریم اووجلاریمدان-
اته‌ییمه آخیر.

(۲)
قارپیز شیریندیر،
سنسیزلیک آجی.
سویوقدور قوردوغوم کورسی…
نئجه
دیلیم- دیلیم ائله‌ییم
چیلله – چیلله دئدییمیز –
اوزون گئجه‌نی؟!

 (۳)
بو اوزون گئجه‌ده
سنسیزلیک
منی اؤلدوره‌جک؛
بیر آه یوللا چیلله‌لیک
باشیما چکیب یاتیم.

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *