چئویرن: ایشیق
ترجمه: ایشیق
ایشیق

masoom-jabbarpor
قاریشقالارین دموکراسی‌سیندا …
معصوم جبارپور

بیلیرسن‌می؟
اوموزلاریم توکه‌نیب، سنلی‌ییم باش آلیب گئدندن!
بو گونلر
قادین‌جیغار
سیغینتی‌سیزیلیغین بوش گزیچی‌سیدیر
گل دیل اویونونو قیراغا بوراخ
کیشی کیمی اعتیراف ائت
قاریشقالارین دموکراسی‌سیندا
بیز ایللردی اؤلو یاشاییریق
هئی
هئی گونده‌لیک‌لشیریک
یاریمچیق اوچونتو قوپاریملاریلا!
گونش گؤرمه‌میش گونلر
اوفوقدا اؤلموش بیر یارالی گونش
یاراسالار ایمپیراطورلوغا چاتینجا
کپنک‌لر اؤزگورلوک رویاسی ایله
قارانلیق آرخاسیندا قاناد چالدیلار_
دیره‌نیچی قارتال‌لار کیمی
یادیندادیرمی؟
آخی
باراما قوردلارین دوستاقدان قورتاراجاقدین
اؤلومو پای وئردین کپنک‌لره
آلوزلوقلا آن اولایی یاشادی
کپنک‌لر بیر به بیر آغ_ آپباق قووا دا محو ائدیلدی دیکتاتور اللر ایله
ائشیدیرسن‌می؟
بوغازیمدا بیر قه‌هر سیندی
گونلریمی پیشته توتدوم
دئدین گئدیرسن دیوارلار آرخاسیندان گونش دره‌سن
گئجه‌لریمین دیواریندان آشیب
گونلریم قارالدی!
ندنی‌نی بیلمه‌دیم ؟!
ایندیسه
سن دیوارلار آرخاسیندا
کپنک‌لرین قاتیلی اولوبسان
کئشکه
ناغیلاردان بیریسی گلسین
سنی آلداتسین
گونلرین پبشته توتسون
دیوارلاردان بویلانینجا
ساچلاریمی بوینونا دولارام
یوخ
باغریما باسمارام
کپنک‌لرین قانینا بویانان بیر اوووج اوره‌یی!
نه اولور
بیر دفه بویلان هؤرولموش گونلریمه…

شه‌هر کپنک آراییر قیزیل گوللره
و
قاریشقالار کؤکسومون اتینه یئریکله‌ییر
داها
کیمسه گونده‌لیک باشلانقیجیندا یازمایاجاق:
“ایتحاف اولونور سئوگی‌لری آرخادان پیچاقلانان سئوگیلی‌لره!”
بو ایل
سو قیتلیغی اوره‌ییمی یاندیردیسا
گلن ایل
گول قیتلیغی اولاجاق
قددار قاتیل
بیر قاریشقا گلیر بندلریمی آییرا
دیشلرینی آغارتما _
گئج قالمیسان
ایللردی بیر اؤلونو داشیییرام
کیمسه یاس تؤره‌نیمه گلمه‌سین
ایکی اوچ کپنک یئتر..

 

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قاریشقالارین دموکراسی‌سیندا …/ معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

قاریشقالارین دموکراسی‌سیندا …/ معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

قاریشقالارین دموکراسی‌سیندا …/ معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی