قیزلار / رقیه علیقلیان (لاله)

rugayeh
قیزلار
رقیه علیقلیان (لاله)

دیری باسدیرما منی بیر یئنی جان وار منده
یوخادیر باخ اوره‌گیم اود کیمی‌قان وار منده
بوکمه نازلی سسیمی‌بوخچالارا بوکمه آنا
ایلدیریم گوزگوسویم اودلو فغان وار منده
من کی ائللر قورویان اوللام ایگیدلر آناسی
منی باسدیرما آنا گوللو نیشان وار منده
من بوی آتسام بوی آتار تام یاشاییش شنلیگینن
صاباحی آیدین ائده‌ن شؤهرت شان وار منده
یارانیشلار دیریدن بیر آنا اوللام حایاتا
بیر بولاق تک جوشارام چوخلو تاوان وار منده
یاشماغی چک قیراغا حاق سؤزومه بیر قولاق آس
فرقیلر قاندالینی قیرماغا جان وار منده
برده‌لیکدن قاچیرام من‌ده بیر اینسان سایاغی
حاقیما بلکه چاتام گؤر نه گومان وار منده
بزه‌گین آینا داراغین اوغارام وار گوجونن
گوجلو یئل تک یاشارام قوچ گوجو جان وارمنده
حوریتدن اؤتورو یایلیغیم آل بایراق اولار
“لاله” تک داغ دره ده تا کی نشان وار منده
۷/۶/۹۴

Check Also

اینتحار / سمیر کهیه‌اوغلو(عراق)

اینتحار سمیر کهیه‌اوغلو(عراق) قالخ! بیر سیقارا یاندیر کیبریت آراما اؤره‌ییمین آتاشیندان یاخ بیر نفس من ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *