داملالار
ع.ن. چاپار

یاغیش یاغیر. . .
بیزیم یوواق داملارین –
آخیر جانی،
ناودان‌دان .
پئنجره‌دن
آنام باخیر دیشارا.
گؤزونده یاش –
داملاجان!

لئهلی سو.. .
او، آنامین گؤزونده،
بیر داملایلا  تن‌دیمی؟
یاریش دا داملا، انا گؤزوندن-
گؤره‌ن، هئچ بیر ائندیمی؟۱٫٫
ائندیمی؟؟
یا، اؤزونو ساخلادی-
آیری نسله ایرث دئیه؟!
بلکه ده –
جئهیز پایی وئره‌جک!!!…
قیزلارینا  هدییه !!!!…

* آی آنا…
بولوت کیمی دولاندا،
یاغیش تکی یاغ!
بو گئجه،
گؤزلریندن  زه‌هری-
داملا – داملا ساغ!

یاغیش یاغیر.
لحظه – لحظه تالاییر،
سؤکور ائوی-
چؤل اوزدن..
سنین‌سه،
گؤزلرینده دونان یاش،
ساچلاریندادی دن – دن !..

قوی سنین،
قیزین جئهیزسیز اولسون.
اوره‌یینده دونماسین –
داملالار . . .
آغلا –
صاباح، گؤز یاشین،
صوراتیندا قونماسین…
…
…
داملالار،
اوره‌یینده دونماسین!..