شَهَره قان دوشه‌جک / ایلقار موذن‌زاده

ilqar muazzenzadeh
شَهَره قان دوشه‌جک
ایلقار موذن‌زاده

نه بیلیردیم سنی سئوسَم شَهَره قان دوشه‌جک؟
بو گئجه عزرائیلین گؤیلونه بیر جان دوشه‌جک
کسیرم اؤز باشیمی، سن گله‌جکدین بو سئری!
من بیلیردیم کی سنین گؤیلونه قوربان دوشه‌جک
اوره‌ییم سئوگیمیزین داللاری اوستونده کی نار
داشینی سئلبه‌له‌ییب قلبیمه وورسان دوشه‌جک
ائله اوّل گونو باخدیقدا دوشوندوم یازیمی
گؤزلرین ایچره منیم شانسیما زیندان دوشه‌جک
نه بیلیردیم بو دؤنه دار کوچه‌زین آغزیندا
قیریلیب اللریمیز دیغلایاجاق، یان دوشه‌جک
قاناجاقسیز اوشاغام کی گؤزون اوستومده دئییل
داغی‌نین ایچره ایتیب‌دیر، اوچورومدان دوشه‌جک
اوره‌یین پای کیمی‌دوشموش خیابانلار ایچینه
نه بیلیردیم سنی سئوسَم شَهَره قان دوشه‌جک؟
۱۶/۰۸/۹۳

Check Also

اینتحار / سمیر کهیه‌اوغلو(عراق)

اینتحار سمیر کهیه‌اوغلو(عراق) قالخ! بیر سیقارا یاندیر کیبریت آراما اؤره‌ییمین آتاشیندان یاخ بیر نفس من ...

۲ comments

  1. سایتین سایین یؤنتمنی و ده‌یرلی چالیشانلاریندان تشککور ائدیرم. اللریز آغریماسین

  2. destansı ,doygu və fikirin birleştiği gözel,qalargi bir şeir.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *