یاشار کمال ابدی‌لیک سوسدو
دونیا شؤهرتلی تورک یازیچیسی یاشار کمال، ۹۲ یاشیندا وفات ائتدی.
یاشار کمال ۱۹۲۳ینجی ایلده آدانانین عثمانیه ایلچه‌سینین حمیته کندینده دونیایا گلیب؛ اورتا مکتبده اوخویارکن شیفاهی خالق یارادیجیلیغی ایله ماراقلانماغا باشلاییب. او دؤورده شعرلری آدانا “خالق ائوی”نین نشری اولان “گؤروشلر” درگیسینده چاپ ائدیلیب. اورتا مکتبین سونونجو صینیفینده اوخویارکن مکتبی یاریمچیق ترک ائتمک مجبوریتینده قالاراق، فعله، دوگو تارلالاریندا سوواران، معللیم، کیتابخاناچی کیمی ایشلرده چالیشیب. عینی زاماندا “اولکه”، کووان”، “میللت”، “بئش‌پینار” ژورناللاریندا شعرلری نشر اولونوب.
۱۹۵۱ینجی ایلده ایستانبولا گله‌رک، “جمهوریت” قزئتینده موخبیر ایشلمه‌یه باشلاییب”دونیانین ان بؤیوک تصرفاتیندا یئددی گون” باشلیقلی رئپورتاژینا گؤره قزئتچیلر جمعیتی نین خصوصی اوغور موکافاتینا لاییق گؤرولوب.
ایلک رومانی “اینجه ممد”ایله ۱۹۵۵ینجی ایلده “وارلیق” رومان موکافاتینی قازانیب.
۱۹۷۴ینجی ایلده “دمیرچیلر چارشیسی جینایتی” آدلی اثری مادارالی رومان موکافاتینا لاییق گؤرولوب.
“یئر دمیر، گؤی میس” اثری فرانسادا ۱۹۷۷ینجی ایلده ادبیات تنقیدچیلری سئندیکاسی طرفیندن ایلین ان یاخشی خاریجی رومانی سئچیلیب.
“بین‌بوغالار افسانه‌سی” ۱۹۷۹ینجی ایل یای دؤنه‌می اوچون بؤیوک ادبیات ژوریسی طرفیندن سئچیلن کیتابلار آراسیندا یئر آلیب.
۱۹۸۲ینجی ایلده بین‌الخلق Del Duca موکافاتینا لاییق گؤرولن یاشار کمال، ۱۹۸۴ینجی ایلده فرانسانین فخری لئژیون اوردئنی ایله تلطیف ائدیلیب. اثرلری ۳۹ دیله ترجومه اولونوب.
یاشار کمال ۲۸ فئورال ۲۰۱۵ینجی ایلده وفات ائدیب.
منبع: Vikipediya
