اوره‌ییم
آذریار دانشور
منیم اوره‌ییم تبریزین اوتوبوسلارینا بنزه‌ر,
نه گئده‌ن کیمی گئده‌ر,
نه دوران کیمی دورار!
بعضن قوو وورارسان قولاغ توتولار
تک باشیما قالارام اؤز اوره‌ییمین دیبینده!
قارشیمدا اوزون بیر یول اولار بوروق بوروق,
ایچیم دوستاغیم اولار, ائشیییم‌سه بیر بویوندوروق!
بعضن قاپی آچارام کیمسه گیرمز, کیمسه تاپیلماز!
بعضن ایینه سالماغا بیر یئریم قالماز!
آیاغ آلتیندا قالارام هردن, بیری بئله قالدیرماز!
ائشیکدن توز باسار پنجره‌می
ایچه‌ریدن کیرلی اللره بله‌نر
آینادان گؤرونن هر کسی,
بئینیمین اله‌ییندن کئچیرده‌رم
مینی اله‌نر, بیری قالماز
سیلمه‌یه بیر نده‌نیم اولماز!
یاغیش یویار, گون قورودار
آماندیر اوره‌ییمه بیر شئی اولماسین دئیه‌رم هرگون,
یییه‌سینین جاوابینی وئره بیلمه‌رم,
مین منی قوربان ائده‌ر بیر اوره‌ییمه
نئجه وئریبدیر ائله‌ده ایستر او!
آخی یوللار خارابدیر دئییرم گولوم!
گیره‌نلر قاپینی سؤکور
چیخانلار اوتوردوقلاری یئری.
منیم گوجوم آنجاق اونا یئتر کی
گؤنده‌ردیگین یئرلره داشییام اونو
من آنجاق یاغینا باخارام
سویونا باخارام
سینیق سالخاغینا سن یئتیش باری!
۲۵-۰۱-۲۰۱۵
2 پاسخ
سلام لار سایغی لار ، لوتفن شاعیر آذریار دانشورده ن چوخ یازین ، اثرلریندن یازین ، هاردا اولور و هابئله سؤزلردن چوخ ساغ اولون
با عرض سلام خدمت مسئولین محترم ( ایشئق )
اینجانب محمدابراهیم دهخدا، اهل تبریز، باز نشسته تامین اجتماعی، ۶۳ ساله ، دیپلم قدیم هنرستان الکترونیک تبریز،
اخیراً ( از فروردین ۹۹ ) اقدام به سرودن شعر هم بزبان ترکی آذری مادری ( لحجه تبریزی ) وهم بزبان فارسی نموده ام ، واکنون با دیدن سایت (ایشئق) آذربایجان ادبیات و اینجه صنعت خیلی خوشنود شدم وتقاضایی دارم که امیدوارم مورد قبول واقع شود، اگر مسئولین ( ایشئق ) اجازه فرمایند یکی دوتا از سروده های فارسی و ترکی خودرا
خدمتتان ارسال کنم و پس از مطالعه کارشناسان محترم نظر
مساعد یا نامساعد بودن متون ارسالی را از طریق ایمیل
شخصی بنده ابلاغ فرمایند یک دنیا دعا گو خواهم بود،
بی صبرانه منتظر اجازه شما خواهم بود ، خدا نگهدار
« دهخدا » ۱۳۹۹/۰۵/۱۵