قایا و من / ائلیار پولاد

elyar polad (1)
قایا و من
ائلیار پولاد

تکلیگیمدیر
سالخیم سؤیود کؤلگه‌سینده دینجه‌لرک
سال قایالار دوزوم- دوزوم دوزولمه‌ده؛
سانکی
آرازخانا ائو تیکیرم،
حیاط یانی ساحه‌نی‌ده آییریرام؛
گؤزوم باخیر،
روحوم گزیر؛
بو قایانی چوخ گؤرموشم،
ائله بیل کی
ایللر بویو یولداش اولوب،
یول گئتمیشیک، یول گلمیشیک.
ساوالانین اوره‌یینده،
قاراغاجین کوره‌یینده –
دوغولسادا،
ایندی بوردا
خان آرازین ساحیلینده دینجه‌لیریک؛
یول یورغونو اولماغینا باخمایاراق،
یئنی یوللار آختاریریق-
دوشونمکده
قایا و من…

 

Check Also

سسلن! / میرجمال حسینی(اینجیک)

سسلن! میرجمال حسینی(اینجیک) ظولمو داها ایت ده قان‌دی سسلن! سسلن! سسیمیزده قان‌دی، سسلن! چکمیر اوره‌ییم ...

One comment

  1. سامان ناصری

    ساغ اولون ائلیار بی چوخ گؤزل چوخ سئودیم .

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *