آذربایجان شاعری “درویش جوانشیر” حیاتا گؤز یومدو
حؤرمتلی اوخوجوموز جناب اکبر حمیدی علیارین سایتیمیزا گؤندردیگی خبر اساسیندا، آذربایجانین آدلیم شاعیرلریندن اولان “درویش جوانشیر” دکابرین ۱۴-نجو گونو گئجه ساعات ۲۲-ده ۶۰ یاشیندا اورک دورماسیندان حیاتینی دَییشمیشدیر.
جوانشیر موسی اوغلو ممّدوف ۱۹۵۴-نجو ایلده نخجوان شهرینین علیآباد کندینده آنادان اولموشدور. ۱۹۸۲-نجی ایلده آذربایجان دولت اونیوئرسیتئتی‌نین فیلولوگیا فاکولته‌سینی بیتیرن درویش طلبه‌لیک ایللریندن بدیعی یارادیجیلیغا باشلامیشدیر، یعنی او ۷۰-نجی ایللردن پوئزیا عالمینه قدم قویموشدور. “گؤزومون ایلک اووو” ۱۹۸۱-نجی، “عؤمروموزده یانان چیراق” ۱۹۸۹-نجو، “من قریبین قارداشییام” ۱۹۹۶-نجی، “دورنالار قریب اولمور” ۲۰۰۰-نجی، “حاقدان یانان بیر چیراغام” ۲۰۱۰-نجو، “قبله یئلی” ۲۰۱۳-نجو، “هؤرون منی دیوارلارا” شعر توپلوسو ایسه ۲۰۱۲-نجی ایلده اونون نشر ائدیلمیش اثرلریدیرلر.
“درویش جوانشیر”ین بو یاخینلیقدا “هؤرون منی دیوارلارا” آدلی شعر کیتابی اکبر حمیدی علیارین تشبثی و کؤچورمه‌سی‌ایله ایراندا یاییلمیشدیر.
یک پاسخ
یئنه جاندان عزیز آذربایجانین ادب سما سیندا بیر اولدوز آخدی. روحو شاد