ائله شعرسیزله‌میشم… بئله!/ بولود مرادی

bulud muradi
ائله شعرسیزله‌میشم… بئله!
بولود مرادی

اوچ بالیق یادیمدا قالیر
دونیانین ماساسی اوستونده
نه بیر سس
بیر سوس!
یاستی گؤیون یارپاق‌لاریندان
ائنیر اوزسوز قادین
ال‌سیز، ساچ‌سیز، گؤوده‌سیز
یئتیم گول‌لرین اَلینده قالیر
اوتوبوس
قاطار
یولام ارخاداش!
بو شهرین دَجل اوشاقلاری آرخامدا
داش!
آتیرلار ملکلر
ایشیق، سود و دیل
قیرمیزی بیر بالیق کیمی
قارا داش
قارداش!
هارداسان اوردا اؤلوم؟
من اؤلوم!
اوچسون بالیق
ام. ار تی لرده قادینلار
داش ساتان ائرکک
یئتیم بیر تاپانجا الینده
بو شهر
آتیر ائولرینی، ملکلرینی، گؤیلرینی، بالیقلارینی…
یئتیم تانریم ائی!
ال وئرم الینه!
من اؤلسم ده…

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

One comment

  1. فریبا مرتضایی

    چوخ گؤزل .ساغ اولون

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *