حئکایه

اؤلومله ال- اله / رحیم خیاوی

اؤلومله ال- اله رحیم خیاوی پاییز گئجه‌سی‌ایدی.‌هاوالار چوخ سویوق کئچیردی. موحاریبه اولدوغونا گؤره شهرده گئجه‌لر چراغ‌لار سونولو اولمالی‌ایدی. بلکه ده چراغلار یاساق اولموشدو؟ بونا گؤره گئجه‌لر باییرا چیخاندا نظره چوخ دهشتلی گلیردی. قارانلیق اؤز چادرین ائله چکمیشیدی کی، گؤز گؤزو گؤرموردو. ساوالانین اطرافین قار توتسادا، هله آغ کؤینکی شهره گئیدیره بیلمه‌میشدی. گئجه یارینی گئچمیشیدی. سحرین باغری یاریلیردی. شهر شیرین یوخودایدی. من ...

Read More »

گؤی قورشاغی / ائلیار پولاد

گؤی قورشاغی ائلیار پولاد گونون اورتا چاغیدیر. یاز یاغیشی شیدیریغی یاغیر. تله‌سرک ائوه گلیرم. اوست-باشیم تامام ایسلانیب. ایچری گیردیکده، ائله گیره‌جکده اوست پالتاریمی‌سویونورام. عایله‌م بیرلیکده ائوده‌دیرلر. من ایچری گیرر _گیرمز، اوغلوم قاچیر قاباغا: – سالام آتا، آخشام سؤز وئرمیسن بو گون منله توپ اوینایاسان. من ده جاواب وئریرم: -اوغلوم باییردا یاغیش یاغیر ، ایندی اولماز. نئینک، یاغیش کسسین گئدیب حیه‌تده ...

Read More »

سون گؤروش / حبیب فرشباف

سون گؤروش حبیب فرشباف اوزون اوزادی خلوت بیر کوچه‌ایدی. تئز- تئز گئری دؤنوب، نایران باخیشلارلا آرخاسینی یوخلایاراق، سرعتلی آددیملارلا ایره‌لیله‌ییردی. گئنیش بیر خیاوانا یاخینلاشاراق کپی‌سینی قاشلارینین اوستونه ائندیریب، آرخالیغی‌نین یاخاسینی بوینونا قاتلادی. گئجه‌دن بیر چوخ قده‌ر کئچسه‌ده خیاوان هله‌ده ازدحاملی ایدی. بیر آندا اینسانلارین سئل کیمی‌آخارینا قاریشاراق آددیملاری یاواشییب، آخارین آهنگی‌له اویغونلاشدی. اوره‌یی یامان دؤیونوردو. گیزلی باخیشلارلا بینالارین نومره‌سینی گؤزدن ...

Read More »

هانسی قاتیندا / روح‌انگیز پورناصح

هانسی قاتیندا روح‌انگیز پورناصح پنجره‌دن سس گلدی. باشیمی‌چؤندرمکده دونوخدوم. آخی پرده‌لری چکمیشدیم! سحر ائرکن هر نه دن اول اونلاری چکمیشدیم قیراغا، آمما اوندا هئچ نه گؤرمه‌میشدیم. ائشیک گؤرسنمیر داها. آغ آپپاق، یوخ، بیر آز توستولو؛ چن‌ایدی یوخسا چیرکینلیک. هر نه اولسایدی دایانمیشدی پنجره‌نین دالیسیندا، ایچری گیرمک ایسته‌ییردی. تلم تله‌سیک آیاغا دوروب، آغزی بورنومو بیر ماسکایلا اؤرتدوم. بوغولتو گلیردی منه. دئییردیم ...

Read More »

آتام و من / سید رضا حسینی مرند

آتام و من سید رضا حسینی مرند آتام ایش یئرینده بیر چللک نفتی‌ایله اؤزونو اودلامیشدی. یازیق کیشی چوخ چالیشدی عاییله‌سینی کاسیبلیغین آغیر دوروموندان قورتارسین، آنجاق اوغورسوز اولاراق بیر بالاجا توربادا کوله دؤنموشدو. بالاجا کول تورباسینی سایغی‌ایلا بیزه سوندولار. قوهوم-قونشو تؤکولوب گلیب یوخاری باشدا اوتوران بالاجا کول تورباسینا گؤز یاشی آخیداراق، آغیتلار اوخودولار. گؤزده قولاقدا قالدیم. قاش قارالاندا بیر چیمدیک او ...

Read More »

دوستومون قاشقاسی / مژگان صیامی

دوستومون قاشقاسی مژگان صیامی شام‌اسبی‌دن اوزو یوخاری، نادری تپه‌سینه یاخین، گؤزه‌ل و گؤروکوملو بیر یئرده، دوستومون قاشقاسی یاشاییردی. ایستی قانلی، ایستکلی و اصیل بیر کهر آت! شمشاد سایاغی ایری گؤز‌لری آینادان دوم – دورو، ایچین ده هر شئی گؤرونوردو؛ او یان – یوره ده بوتون مئشه‌لیک‌لر، داغ – داش، دره – تپه و گونشین ایشیقی دوز گیله‌لرینه ساچمیشدی. نال‌لارینی ریتمیک ...

Read More »

عؤمورلوک آجی / قاسیم پناهی

عؤمورلوک آجی قاسیم پناهی حیات یولداشی بیر فنجان چای گتیریب قهوه رنگلی راش آغاجیندان دوزَلمیش دؤرد کیشیلیک ماسانین اوستونه قویدو. رامیز عادتن حامامدان چیخاندان سونرا بو پنجره قارشیسیندا اولان ماسانین آرخاسیندا اوتوروب بیر فنجان چای ایچیب قزئت اوخویاردی. باهاردا کئفینین ساز واختیندا گلیب رامیزین یانیندا اوتوروب کامفا توخویاراق اونونلا کئچمیش گونلردن دانیشاردی؛ آنجاق بو سون واختلار نه ۴۳ یاشینا آیاق ...

Read More »

تراژدی / روح‌انگیز پورناصح

تراژدی روح‌انگیز پورناصح یولداشینین آتاسینین یاس مراسمینه گئدیرلر. یولدا فیکیرلشیر، گؤرن اونلار دا یاخشی ایفاچی اولماغی باشاراجاقلار یوخسا یوخ؟ یاخشی هله بیزیم ناشیلیغیمیزا دوشمه‌دی، باشی اوجا چیخدیق. گؤرن آدام اؤز یاس مراسمینده تاماشاچی اولور یوخسا ایفاچی؟ آمما نوماییش‌ده بو دؤنه تاماشاچی‌ام‌ها! دئیه گولومسه‌ییر، یانینداکی‌لار قئیقاجی باخیرلار. مچیده یئتیشیب‌لر. او گون اؤزلرینین یاسیندا مچیدده اوتورارکن بیر زاد گیردی بئینینه، چوخدان بئینینین ...

Read More »

دئمک آستانا ده‌ییشیلیر … / معصوم جبارپور

دئمک آستانا ده‌ییشیلیر … معصوم جبارپور کیشی اوتوراجاغین اوستونده یئر به یئر اولوب ساققالینی سیغاللاییب سونرا ایکی الین اوزونه قویوب دیرسکلرینی ماسانین اوستونه دایاییب، اؤنونده اوتوران قیزین گولوشلرین خاطیرلاییب، گؤزلوگون اوستوندن یئنیدن قیزا باخدی؛ سانکی دونیانین بوتون قایغیلاری قیزجیغازین گؤزلرینه چؤکموشدو؛ بیر کیچیک دینقیلدی گؤزله‌ییردی گؤزلری قان پیناری اولسون… باخیشینی سول یانا چئویریب، قیزین کناریندا اوتوراجاقداکی اوغلانا باخدی؛ گؤزلویون اورتا ...

Read More »

بادمجانی رنگلی مزدا / رقیه کبیری

بادمجانی رنگلی مزدا رقیه کبیری هیچقیرا- هیچقیرا پیلله‌لردن ائنیب، اورتا قاپیدان پارکینگه دوغرو گئدیر. ماشینا یئتیشمه‌میش سیویچین دویمه‌سینی باسیر. تیققیلتی سسی گلمیر. بیر داها بارماغین دویمه‌سینه باسیر. ایچینی چکیر. پالتوسونون جیبینی آختاریر. اپریمیش کیرلی کاغذ دسمالی جیبیندن چیخاریر. دسمال الینده پرن-پرن اولور. یئره تؤکولن دسمال قیرینتی‌لارینی آیاغییلا ماشینین آلتینا اؤتورور. پالتوسونون یئنگی‌سی ایله بورنونو سیلیر. قارا ماهوتی پالتوسونون اوستونده آغ ...

Read More »