حئکایه

حئكايه‌جيك – حسرت / مرتضي مجدفر

حسرت مرتضي مجدفر ان اوُزاقلاردا قالمیش بیر پاییز گئجه‌‌‌سی‌نین سوْنو –  آذر آیی: گئجه کسدی ساخلایان شاعیرین خزانی. بوُ حئكايه‌جيك ، 1389- نجي ايلين آذر آييندا تهراندا قورولان و نتيجه‌سي معلوم اولمايان بير حئكايه مسابقه‌سينه يوللانيلميشدير. ادب اوزره ايندييه قدر اونو نشر ائتمه‌ميشديم. آنجاق بير خبر چيخماماسينا گوره، حئكايه‌جيكي ايشيق سايتي نين اختياريندا قويدوم. البته ادب سئورلره معلومدور كي حئكايه‌جيك ...

Read More »

بايرا‎مليق/ نريمان ناظیم

بايرا‎مليق/ نريمان ناظیم اوغلانجيق گوزگو قاباغیندا دایاندی. ایکی الی‎ایله کاپشئن ین دؤشونو تومارلاييب، قولتوغونو يئللنديردي. سونرا آرخاسيندا دايانميش آناسيني گوزگوده سوزوب، گولومسه‎دي. بير داها اينينده‌کي کاپشئنه باخدي. گولوش دوداغلاريندان چاغلاييب اوز- گؤزونه ياييلدی. شیلتاق چپيش کيمي ایکی ایاغی اوسته گؤیه قالخدی؛ سيچيراييب، ماغازادان ائشيگه قاچدي. آرواد “و آ آ… امي‎ي‌ر… اوغلان بير دايان گؤروم نه‎جوردي آخي…”- دئيه‎، قاپي‎يا چيخدي. ائشيکده, ...

Read More »

قارا قاشقا / عباسعلي يحيوی (ائلچی)

قارا قاشقا عباسعلي يحيوی (ائلچی) یوگرک آتين شيهه‎سي اوره‌ک سئوينديرن بير عشقدن کي یوخ، بلکه ده اوجامان سوروجونون آیريليغيندان تؤرنميش نيسگيل‎لرلن، غصه‎لرين تأثيري ايدي. او، اؤز سسيني داغا- داشا یایماقلا دردلي بير فاجيعه‎نين جان‎یانديريجي خبريني اوبالاردا یاشایان ائللرين قولاغينا چاتديرماق ايسته‎یيردي. بو آت برومند خانيمين قارنيندان چيخان, عبدالله آدلي کيشي‎نين بئليندن گلن, ايگيد بابکين دؤیوش مئیدانلاريندا یولداشي اولاراق، “قارا قاشقا” ...

Read More »

حکایه‌جیک‌لر / حسین واحدی

حکایه‌جیک‌لر / حسین واحدی 1-    دايان، يارديم ايسته‌يير بو قادين! هر گون شهرين كمر يولوندان كئچنده او ياشماقلی و اوزونو اؤرتموش ياشلی قادينی گؤروردو،  چوخ راحاتسيز ائديجی بير آن اولوردو.  بئلی آزجا بوكولموشدو و الين اللره آچميشدی… ائلمان اوركدن آه چكيب تانريدان اونا يارديم ايسته‌دی. اونا ياخينلاشيب، آرابانی ساخلاييب، شوشه‌نی ائنديريب، آزجا پول وئريب؛ ننه تانريم سنی قوروسون، منه ده ...

Read More »

ترلانين طالعي / اسماعيل ممدلي

ترلانين طالعي اسماعيل ممدلي ساوالان اته‎يينده‎کي يارپيزلي کندينده آنادان اولموشدو، آناسي لاچين اونو يالاديقجا توک‎لري قورويوب جاني قيزيردي، سحره ياخين گؤزلري آچيليب آياغا دورا بيلدي، بودورويه- بودوريه آغزيني آناسي‎نين امجه‎يينه يئتيردي. شيرين ايليق سودو امديکجه بدني گوجله‎نيب توره‎ليردي، نئچه آي سونرا اوتلارين يوموشاق يارپاق‌لاريندان يئمه‎يي‌ده اويره‎نميشدي، اوتلاق‌دا آناسي‌نين يانيندا او ياندان بو يانا، بو ياندان او يانا قاچيب اوينايـيب سئوينجين‎دن ...

Read More »

قمر / رقیه کبیری

قمر رقیه کبیری ـ «قمر!… قمر!… قمر!…» “قمر” دهلیزین قارانلیغیندا بیر بوجاغا سیغیشیب، دیزلرینی قوجاقلاییب. اؤنونده‌کی قارین وئرمیش شئهلی، نمیش‌لی دووار، سانکی سینما پرده‌سی‌‌دیر؛ اوزاق‌لاری سئیر ائدیر… کیشی اللری بئلینده، ایتییی ایتمیش کیمی، حیطین بویوندا وار-گل ائدیر. گوللو قوناق اوتاغیندا سیزیلداییر. زاریلداییر. قمر اکیزتایی اوغلانلاری پیلله‌کان اوستونده اوتوردوب، نوبه‌ایله قاشیق- قاشیق یئمک یئدیردیر. کیشی نین یومورتاسی ترسه دوشوب سانکی. بیر ...

Read More »

گونئي / روح‌انگیز پورناصح

گونئي روح‌انگیز پورناصح اوزاق‌لاردا گؤي اوزو قارالدي بيردن. گليب پنجره‌نين قاباغيندا دايانديم. نه‌ده‌ن بئله توستولوايدي‌هاوا؟ بلكه‌ده بير يئر اود توتوب يانيردي؟ نفسيمي دالي قايتارديم. پنجره‌ني باغلاديم. اوسگورمه‌يه دوشسه‌يديم اگر، قورتارماق بيلمزدي. گؤزومو قيرپمادان حيرت‌له گؤيه باخيرديم. قاراليق گئت- گئده ياخينلاشيردي. توستونون بونجا قاراليغينا، اؤزوده بو سرعت‌له ياخينلاشماسينا اينانا بيلميرديم. واي! ايندييه‌دك بو قده‌ر قارا قوشو بير يئرده گؤرمه‌ميشديم. قوش سئل‌ايدي، ...

Read More »

هومای / حبيب فرشباف

هومای حبيب فرشباف اصلان‌خان قوشا بولاق کندي‌نين آديني چکنده، آتلي‌لارين آراسينا  ولوله دوشدو. اصلان‌خانين بوتون آتلي‌لاري آليشاني ياخيندان گؤرمه‌سه‌لرده، اونون ايگيت‌لييي‌نين تعريفيني دؤنه- دؤنه ائشيتميشديلر. ائله بونون اوچون ده خان اوتا غينا گيرجک، آتلي‌لارين آراسيندا پيچاپيچ باشلادي: –    ايه آليشان اولان يئرده نه تهر قوشا بولاغا گيرمک اولار؟ –    منيم کي بوسفردن هنچ گؤزوم سوايچمير. –    ايه دئيير آرتاليني چاپاراق ...

Read More »

آغير گئجه / ائلیار پولاد

آغير گئجه ائلیار پولاد گئجه‌نين قارانليغي‌نين آغيرليغين چيينلرينده حيس ائديردي. ائله بيل دونيانين آغيرليغين اونا يوکله‌ميشديلر. قورغوشون دولو‌هاوا اونا نفس چکمه‌يي چتينلشديريردي. هر آدديم گؤتوردوکجه سانکي چيينينده کي يوک بير آزدا آغيرلاشيردي. دهشتلي آنلارين دؤزولممزليگي اونو سارسيديردي. اينديه‌دک بو قده‌ر آياقلارينين تابسيزليغيني بيلمه‌ميشدي.‌هاراسا گئديردي اؤزوده بيلميردي؛ آنجاق ايندي فيکير- خيال اونا حکم وئريردي. سانکي گؤزلري باخار کورايميش. اطرافيندا دولاشانلاري، کوچه‌ده ...

Read More »

بيردن – بيره / عمران صلاحي

بيردن- بيره عمران صلاحي بير باهار گونو، بير چيچک‎لي آغاجين آلتـيندا، لاله پارکـيندا، بير کيشي ‎کي الینی کوتونون سول قولتوغونون جيبينه قويموشدور، نيمکتين اوستونده، بير کيشي ايله کي نظره گليردي تازا بازنيشسته اولوب دانـيشـيردي: – دوز بويورورسوز، اقتصادي سيخينتي‎لار هميشه باعث اولوب آدام بعضي شئي‎لري زندگانليق‎دا حذف ائله‎سين. آدام ائله‎يه بيلمز ات، چور‎ک و ياغ آلمايا، آمما ائله‎يه بيلر مثلن ...

Read More »