شعر

قاییتماز اولدو/ بهروز دولت‌آبادی(چای اوغلو)

قاییتماز اولدو بهروز دولت‌آبادی(چای اوغلو) چوخ صفالی، چالیشقان، آزادلیق وورغونو ده‌یرلی دوستوم «سیفی»یه اتحاف. نئجه شعیر یازیم، تار چالیم بوگون؟ دوست گئتدی الیمدن، قاییتماز اولدو. اونسوز خوشا گلمیر نه طوی، نه دوگون الیم اللرینه چاتیشماز اولدو. آرادیم داغلاردا ایزینی تاپدیم، باش قویوب ایزینین قوینوندا یاتدیم، خاطیره‌لر تئلین عؤمرومه قاتدیم، سانادیم سؤزلری، گؤردوم آز اولدو. یاشادی قارتال تک داغلار باشیندا، لکه‌سیز ...

Read More »

کؤنلوم قان آغلار! / احد آیلاقلی

کؤنلوم قان آغلار! دوستوم «سیفی»نین اونودولماز خاطیره‌سینه اتحاف احد آیلاقلی بیلیرسن یولداشیم، یارام چوخ تزه؛ اوچدو قارانقوشوم گئتدی گلمزه! گئتدی اوزاقلارا او گلمز اولدو؛ اونون حسرتی چوخ دؤزولمز اولدو! من اونون آدیلا فرحله‌نردیم، اونون وارلیغینا چوخ گووه‌نردیم! یامان داغ چکیلدی اوره‌ییمیزه، نیسگیلی چؤکولدو بوتون تبریزه. او گئدیب سینه‌مه وورولوب داغلار؛ یادیما دوشرکن کؤنلوم قان آغلار!

Read More »

یاد ائل‌لره پای… / مهرداد فخری

یاد ائل‌لره پای… مهرداد فخری سکوت دریب سؤزو بیزدن بیر کؤرپه‌یه تای اولموشوق. کلمه کئچمیر دیلیمیزدن قوروموش بیر چای اولموشوق. کوله دؤنوب دیل کؤزوموز یالان اولوب ایلک سؤزوموز گؤره بیلمیر دوز گؤزوموز بولوت توتان آی اولموشوق. آددیم آتمیر بیزدن اومود یادا دوشمور ائل، اوبا، یورد اؤلوب بیزه دده قورقود یاد ائل‌لره پای اولموشوق. بئینیمیزده دوشونجه آز قایغی درین، فیکیر دایاز ...

Read More »

آزادلیق / میرحسینقلی ریاحی‌فر(سید)

آزادلیق میرحسینقلی ریاحی‌فر(سید) کؤرپه‌ده سنی دویور یئر اوزونه گلنده سنله گؤیلره قالخیر دانیشاندا گولنده سنین وورغونون اولور بویا باشا یئتنده سندن ال چکن دئییل جان اولدوقجا بدنده چاغیراجاقدیر سنی دردینه درمان سنده قیرمیزی بیر چای کیمی‌لاله دوزده آخاندا بولودلارین دالیندان آی مارال تک باخاندا قارا قیشلار تورپاغین سینه‌سینی یاخاندا تورپاق آغیر یارانین سانجیسینا دوشنده چاغیراجاقدیر سنی دردینه درمان سنده اووچو ...

Read More »

اللریندن باشلاندی هرشئی/ حسین مصری

اللریندن باشلاندی هرشئی حسین مصری اللریندن باشلاندی هرشئی؛ سوکوت ابدی‌لیک بیر یووا سالدی دوداغلاریمدا. گؤزلریم آلیجی قوش اولدو بیرجه توپا بولودا. باخیشلاریم دوندو اللرینین اوجالیغیندا. اللریندن باشلاندی هرشئی؛ آیاقلاریم گئدیش اوچون یوخ، دیره‌ک اولدولار گؤوده‌می‌ساخلاماغا. ییخیلمادیم من، یاشادیم اؤلومو کوچه – کوچه، خییابان – خییابان، ائو – ائو، قاپی – قاپی. اللریندن باشلاندی هرشئی؛ اووندورا بیلمه‌دی قوش اوره‌ییم الویداع هیچقیریقلارینی؛ ...

Read More »

کؤلگه یاخینلیغیندا ۵/ نیگار خیاوی

کؤلگه یاخینلیغیندا ۵ نیگار خیاوی دئییرم چیخیم شهرین میلیونونجو گؤی‌ده‌لنینین دامینا سؤیله‌ییم می‌گؤرن؟ سؤیله‌ییم می‌آناما قارداشلاریمی‌گئجه گؤزونه ساعاتین صفه‌سیندن بیر بیر سیلیب سوپورورلر سؤیله‌ییم می‌بیری قلبیله انتحار ائدیر بیری بئینیندن ایدزه توتولور بیری او بیرینی، اؤزونو، قیرمیزی کندیرینی گیردکان آغاجینا آسیر‌ دئییم می‌گؤرن قیزینی بو گون شهرین زئرزمیسینده گؤردوم بیر یئنی انتحار آختاریرکن؟ گؤرن دئییم‌می‌گئتدیلر باجیلاریم فله‌یین کؤهنه بورجونا ؟ ...

Read More »

سنسیزلیک‌لر(۲۷) / مجتبی نهانی

سنسیزلیک‌لر(۲۷) مجتبی نهانی (۱) نه قورشون نه یارا نه قان آغریمی‌بیله تاپانمیرام بئله وورغون دوشموشم کی سنه آغزیمیدا آچانمیرام… (۲) آنلیمین تاسی دوشدو یئره یا بیر یا آلتی نه فرق ائدهر- گؤزلریم سنه باغلانماسا… (۳) دار بیر کوچهده وورغون دوشدوم سنه آدین حیات قویدولار… (۴) هاوا دومانلیدیر بیزیم تبریزیمیزده ائله ازلدن بری ایستهسم گئدهم- چیخمازا گلر هر زامان (۵) یوخلوغون ...

Read More »

بو اوجا یئرلر/ انصار قاراداغلی

بو اوجا یئرلر انصار قاراداغلی گؤیلر یامان بیزی داریخدیراجاق بیر اولدوز اوجا بوی، بیر اولدوز آلچاق دونیانین ‌گؤزلری دونیایا آنجاق بیز تک گیپریک چالیب تاماشا قیلمیر! بو اوجا یئرلرده دیار با دیار آللاهین اؤزونون کؤهنه‌لییی وار ‌گؤیلر ساعاتییلا چاتاندا ناهار مین تیکه توتوروق، بیر آللاه آلمیر! عالم، بیر سئوگینین ایکی خط سؤزو او خطی سئچنمیر هئچ نه‌یین ‌گؤزو اؤلن دونیالارین ...

Read More »

آذرین ییرمی بیری/ سحر خیاوی

آذرین ییرمی‌بیری سحر خیاوی سازاقلی بیر گون ده تبریز شَهَرین گزیرم یادین‌لا دولان با دولان. سن اولدون آنا دیل، وطن سئوگیسین دویغو اللرین‌له کؤنلومه سالان. ساری امنیّته گومولوبدو وای چیرتمک ووور دیکسینسین پنجره‌م یئنه! کؤنلومون سئرچه‌سی نه یامان اویوب بو کور تَله‌لره، سپیلمیش دَنه! نئجه من سئوینجدن، سئوگیدن یازیم؟! دوغرانیر دیلیمده آنامین دیلی. ساهات قاباغیندان کئچن زامانی اییلیر ایچیمده آتامین ...

Read More »

یاشیل آرزى / ح. هریزلى

یاشیل آرزى ح. هریزلى قیشین سویوق نفسى، هوپدو مئشه نین جانینا. سازاغین بوز نغمه سیله، تیترشدى جویورلر. دوندو سولارین سسى، قوشلارین نغمه سى. دوندو آغاجلارین دامارلاریندا قان. دوندو مئشه ده هرزاد، دونمادى آنجاق حیات. مئشه نین کؤکسونده دویوندو اوره ک، یام-یاشیل آرزیلارلا. ۲۱آذر۱۳۷۸

Read More »